الحكاية الثامنه
#كاشف_الحكاية
بعد مشوار طويل أخيرا
وصلنا
كنت مزنوق مع رفقاء
الكفاح فى الحياة
ربع جنيه – نص جنيه –
جنيه ده غير العملات الورق
ومش عارف أحكى لكم كمية
الروايح اللى شمتها فى جيب الراجل من العملات التانيه
ومناظر العملات اللى كانت
معى
خمسه جنيه برائحة الطعميه
ده غير جنيه كان لازق فى برائحة
غريبه كده تخليك تجيب اللى فى بطنك
خد عندك ربع جنيه مصدى مش
باين منه غير رقم 2 فى الأول أفتكرت عصر القروش رجع تانى
قلت كويس أن بقى فيه قرش
و 2 قرش
بس لما بصيت للجانب
التانى من العمله أكتشفت أنها ربع جنيه
ده غير إنى لاقيت عملة معدنيه
منظرها غريب مش باين منها حاجة خالص أنا فكرتها عملة أثريه
بعد الفحص والتدقيق
أكتشفت أنها 50 قرش بس المفروض تبقى خرده
ده غير العملات الورقيه
ذات الغلاف من السيلوتيب
ده غير العملات الورقيه
اللى محروقة الأطراف أو ممزقة الجوانب أو جزء منها مش موجود
إيه ده كله يا بنى أدمين
لو كانت العملات لسه ذهب أو فضة كنتم هتعملوا معاها كده !!!
أرحمونا يا بشر
رجعت بالذاكرة للماضى من
حزنى على منظر أخواتى
تم إصدار الجنيه المصرى عام
1834 م
وتم صكه وتداوله عام 1836
م
يااااه الأيام بتجرى كده
طب أنا ليه سمونى جنيه
!!!
أصل كلمة الجنيه من غانا التي
هي دولة إفريقية كان الذهب يُنهَب منها ويُشحن إلى بريطانيا وكان الجنيه عملة لبريطانيا
واسمه بالانجليزية
Guina.
يا راااجل
ودى أول ورقة نقدية بقيمة جنيه مصري عام 1899
شفتم كنت أزاى وبقيت أزاى
!!!
لونى برتقالى وجانب عليه
مسجد قايتباى والجانب التانى معبد أبو سمبل
بس أنا شكلى أتغير كذا
مره
أحلى حاجة أن شكلى بسيط
وبيحمل روح الحضارة المصريه
جانب فيه الحضارة
الإسلاميه والجانب التانى الحضارة الفرعونيه
ده غير شكلى الميتاليك
ههههههههه
وقبل كده دخلت من ضمن
أجمل العملات الورقيه فى العالم
فيا ريت تحافظوا على أنا
وأخواتى
فى إنتظار مشاركتكم عن حكايتنا إنهارده
تابعونا على صفحة الفيس بوك
روح للحكاية التاسعه هنا
