الجنيه - الحكاية من أولها

الجنيه

الحكاية من أولها

أنا المهندس أ. كـ. مهندس كهرباء

عاشق للتكنولوجي و الـ

Social networks

وفى نفس الوقت عارف ان العالم الواقعى مختلف تماما عن العالم الأفتراضى

حبيت أعيش العالم الواقعى بمنظور العالم الأفتراضى

وكانت دى البداية

فى ليلة شتاء مطيرة وباردة جدا عدت الى شقتى مباشرة بعد نهاية يوم العمل الشاق فحالة الجو لا تسمح بممارسة هوياتى المفضلة بالتمشية على شاطى بحر الإسكندرية

أعددت العشاء المصرى المعتاد من الفول والطعمية أو الفلافل والجبن الأبيض الدمياطى الذى أعشقه وشرائح الطماطم أو القوطه مع كام رغيف عيش أسمر أبو رده وكوباية شاى صعيدى تقيل

ألتهمت العشاء سريعا على غير المعتاد

ثم أرتديت الروب والأيس كاب والكوفيه وأخذت كوباية الشاى بس من غير سجاير علشان حرام وكمان ضارة بالصحة

ودخلت البلكونه

مش عارف اوصف لكم الجو عامل ازاى بس الشتاء ده من أصعب شتاء مر علينا فى مصر

الهواء البارد مع كوباية الشاى ضيعوا تأثير البنج اللى الفول والطعميه عمله

وفى نفس الوقت جابوا لى فكرة جهنميه

الفكرة

دخلت سريعا لحجرتى وفتحت اللاب توب لاتابع الاعجابات والتعليقات والمنشورات اليوميه كالعادة

ولكن الفكرة مازلت امام عينى كلمبة الإنذار بتنور وتطفى

أنا : لا لا لا مستحيل أعملها

أنا : أزاى بس؟

أنا : هأستفاد إيه؟

أنا :ده إسمه تجسس والدين حرم التجسس

ولكن النفس أمارة بالسوء

وبدأت أشتغل علي الفكرة

فتحت اليوتيوب وبحثت عن فيديوهات الدوائر الإلكترونيه – النانو طبعا

إيه النانو ده يا أوستاااذ لمبى

مش موضوعنا

وقعت على كام فيديو ضبطوا لى الحوار

صممت الموضوع كله على الورق

الله أكبر الله أكبر

ده أذان الفجر

صليت

ورجعت نمت علشان عندى شغل الصبح

فى الشغل

اللمبة لسه شغاله فى دماغى

والورق معى

الساعه الخامسه

جريت على محطة الرمل جبت المكونات وطيران على البيت

البيت

بسم الله

برنامج الورك شوب بتاع الدوائر من ايام الكليه لسه عندى

صممت الدائرة

إعمل إختبار تيست يعنى

الدنيا زى الفل

سخن مكوة اللحام

أشتغل يا عم ستيف جوبز

حاسس كأنى بأصنع الأيفون

بعد سيييت ساعات

هيييييييييييييه الدايره جاهزه

هيطلع عينى فى سباكة المعادن

أكمل بكرة

تانى يوم

الساعة خامسه مساءا

إجررررى يا مجدى ى ى ى ى على البيت

وبعد السيييييت ساعات

أخيرااااااااااااااا

الجنيه جاهز للإنطلاق

ركبت الدائره بالمايك والكاميرا وشريحة الإتصال

ننزل بقى نصرفه ونبدأ أول

Real social Network

تنبيه :هذه القصة خياليه من وحى الخيال العلمى ولم يتم تنفيذها ولن يتم تنفيذها ولا ينصح بتنفيذها على أرض الواقع

فيه ناس هتمسك كل جنيه معاها تفحصه

هذه القصه تسلط الضوء على بعض السلبيات والإيجابيات والمواعظ والفوائد من وحى مجتمعنا المصرى الجميل

تابعونا على صفحة الفيس بوك
https://www.facebook.com/egypound

روح للحكاية الأولى هنا