لو فاتتك الحكاية من أولها
أعرفها من هنا
#كاشف_الحكاية
لو عايز تبص على الحكاية اللى
فاتت من هنا
وحشتونى حبايبى بعد غياب
طويل وكورونا حفظنا الله منها 4 سنين مروا كإنهم ثوانى
وأنتم دايما على بالى وعايز أرجع لكم تانى نشوف حكايتنا المصريه الجميله
وأنا بأقلب فى ألبوم العيله بتاعتى هنا لاقيت جدى جنيه عم إدريس واللى كتير من المصريين
للأسف ميعرفوش حاجه عن الجنيه ده.
قلت لازم أحكي لكم عن
العم إدريس وحكايته وحكاية الجنيه
يالا بينا !!
أستنوا اللى عايز يعمل كوباية الشاى أو فنجان القهوه بتاعه علشان الحكايه هتحلو
لسه
أستنى شويه للى هيعمل مشروب ولا حاجه !
5
4
3
2
1
خمس دقايق يا حلوين يالا بينا بقى
بسم الله
كان ياما كان .. لما مسك الأمير فؤاد حكم مصروبقى ملك قد الدنيا بعدها بكام سنه
كده أتطبع جنيه عليه صورة راجل محدش يعرفه بس الأمير فؤاد يعرفه طبعا وإلا مكنش حط
صورته يعنى
الراجل ده كان إسمه عم
إدريس والجنيه كان معروف بجنيه العم إدريس
مين بقى عم إدريس ده !!
بطل ده ولا شهيد ولا معاه جايزة نوبل ده ولا إيه؟
عم إدريس جناينى , حِلم
حلم فأتطبع جنيه عليه صورته بس خلاص
J
طبعا الناس هتمسك فى
وتقول لى طب والقهوه والشاى اللى عملنها وجهزنا نفسنا نقرأ
أهدوا أهدو هأكمل
عم إدريس جناينى شغال عند
الأمير فؤاد شاف حلم أن فؤاد هيكون ملك فى يوم من الأيام، مكدبش خبر وراح لفؤاد،يحكى
له على الحلم ويأخد الحلاوه ويجعله عامر يا باشا وكده، فؤاد بقى قال له شكلك كبرت
وخرفت يا إدريس يا أخويا حكم مصر إيه اللى هأمسكه ده،مفيش حاجه بعيد عن ربنا يا
باشا ,تنهد فؤاد ثم حرك شفتاه وقال الأمير كمال الدين حسين ابن السلطان حسين كمال
إخويا يا إدريس.....
مات السلطان حسين
وابنه كمال الدين حسين مش
بيحب الشغلانه دى حوار الحكم وكده فتنازل لمين؟
مين اللى عليه الدور؟
عباس الأمير عبد المنعم
ابن الخديوي حسين
طب فين فؤاد من الليله دى؟
"دقيقه يا جماعه
نفهم"
عباس بقى الإنجليز مش
بيحبوه
والحكومه البريطانيه رافضه تواليه الحكم
وهى اللى كانت بتقرر
وقتها مين يحكم ومين ميحكمش
فكده بقى الدور على مين يا حبايبى يا حلوين!
الدور على فؤاد
فؤاد بقى الملك يا ولاد
الله على العز
العز حلو برضه
قصور وجناين
فرعون كان عنده حق برضه
لما قال
وَنَادَىٰ فِرْعَوْنُ
فِي قَوْمِهِ قَالَ يَا قَوْمِ أَلَيْسَ لِي مُلْكُ مِصْرَ وَهَٰذِهِ الْأَنْهَارُ
تَجْرِي مِن تَحْتِي ۖ أَفَلَا تُبْصِرُونَ
عمنا الملك فؤاد كان
بيتفسح فى قصوره وكده
وفى يوم
راح قصر الزعفران
لاقى إدريس بيصلى قاعد
جانبه ولما خلص الصلاه قال له
"إلا فين سبحتك يا معلم إدريس هه هه هه" ألش من فيلم رصسف نمره خمسه
معلش القافيه تحكم
"ولا كإننا شفنا حاجه نكمل حكايتنا"
J
فؤاد قال لإدريس
قوم يا إدريس بيه
فتح إدريس فمه لما سمع
الكلمه
قوم يا إدريس بيه أنت
لسه قاعد
حلمك إتحقق يا بيه..ياا
بيه
مين الملك ناووو؟
J
وعلشان أعمل معك الصح
صورتك هتكون على أول
جنيه الحكومه تعمله يا برنس
وعد فأوفى..
وصدر جنيه إدريس الفلاح فى 8 يوليو 1928.و يطلق على هذا الجنيه - جنيه عم إدريس
الطريف فى الحكايه دى أن
الملك فؤاد مطبعش صورته على أي عملة ورقية له، وفي سنة 1930م ولأول مرة في تاريخ
العملات المصريه الحكومه تطبع العلامة
المائية على الفلوس كلها علشان تزوير العمله وكده
وكان أول علامة مائية
من نصيب عم إدريس علي النوبي
إيه رأيكم فى حكاية جدى!!
فيه ناس هتقول لك
أن إدريس أفندي ده من الاعيان ولما مات طبعوا صورته
وناس تانيه هتقول
أن الصورة مش صورة عم إدريس وإن دار الطباعة وقتها كان إنجليزية واختاروا صورة راجل
ملامحه صعيدية لابس جلابيه.
بس فى الأخر الجنيه
إسمه (جنيه إدريس أفندي)
أسيبكم بقى الوقتى أشوف
ورايا إيه وهأرجع لكم تانى ومعى حكايه جديده
سلام يا صحابى
صورة جدي
تابعونا على صفحة الفيس بوك
https://www.facebook.com/egypound
روح
للحكاية العاشره هنا
